З’ездаўскія баі

Раіна СТЭФАНЧУК

Юбілейны з’езд таварыства здамінаваў канфлікт паміж БГКТ а Таварыствам „Музей і асяродак беларускай культуры” ў Гайнаўцы. Як ужо мы пісалі, справа заключаецца ў тым, хто мае быць уласнікам музейнага будынка. Суд па заяве БГКТ прызнаў права ўласнасці за БГКТ. Раней ТМіАБК атрымала адмоўнае рашэнне. Міхал Голуб ад імя яго членаў па-польску зачытаў дэлегатам заяву, у якой выказваецца пратэст — як сцвярджаецца — супарць няслушным ацэнкам змешчаным у справаздачы Галоўнага праўлення БГКТ, а якія адносяцца да Музея і асяродка. „Гэтая пазіцыя вельмі красамоўная і сведчыць аб вялікай неадказнасці старшыні ГП БГКТ за маёмасць Музея, які ўзнік дзякуючы намаганням шматлікіх асоб, а які назаўжды мае служыць беларускай культуры. Лёгкай рукой спадар старшыня гэтай маёмасцю хоча рэгуляваць даўгі ГП БГКТ”. Міхал Голуб адзначыў, што гайнаўскае ТМіАБК здабыло 68 тысяч еўра на добраўпарадкаванне музейнай тэрыторыі. Аднак, „тыя грошы можна прыняць пры ўмове ўласнага паю ў памеры каля 90 тысяч злотых”. У пратэсце члены ТМіАБК выказваюцца супраць ацэнак, змешчаных у справаздачы БГКТ за чатыры апошнія гады: „Вельмі нас непакояць праявы крытыканства і варожасці да Рэспублікі Беларусь, да яе ўладаў і да БГКТ. Нельга таксама спакойна ўспрымаць «ідэі» прыватызацыі ці заснавання фонду з аднаасабовай управай, якія паяўляліся ў дыскусіях”. Старшыня Сычэўскі прызнаўся, што БГКТ мае сур’ёзныя нядоімкі ў аплатах за вячыстае карыстанне ўчасткам, на якім стаіць Музей. Як сцвярджаецца ў заяве ТМіАБК, „старшыня ГП БГКТ паінфармаваў, што не (...)