Ніва № 50 (2587), 11 снежня 2005 г.

Патрэбная на Гайнаўшчыне

Аляксей МАРОЗ

На юбілейных святкаваннях пяцідзесяцігоддзя дзейнасці Педагагічнай бібліятэкі ў Гайнаўцы, якія праходзілі 2 снежня ў Музеі і асяродку беларускай культуры, сабраліся дырэктары школ, бібліятэкары і кіраўнікі культурных устаноў горада. Сярод сабраных прысутны былі намеснік старасты Гайнаўскага павета Ежы Сірак і бурмістр горада Анатоль Ахрыцюк, якія асабіста падзякавалі бібліятэкарам за іх працу ў карысць адукацыі насельніцтва. Пасля некалькіх спробаў ліквідацыі педагагічных бібліятэк, якія з’яўляюцца філіяламі Цэнтра адукацыі настаўнікаў у Беластоку, а ў гэтым ліку і гайнаўскай установы, кіраўнікі павета і горада звярталі ўвагу на патрэбу дзейнасці Педагагічнай бібліятэкі на тэрыторыі Гайнаўскага павета. Іншыя выступаючыя госці пералічвалі козыры гайнаўскай бібліятэкі, якая працуе дзеля настаўнікаў, студэнтаў педагагічных спецыяльнасцей, працаўнікоў культурных устаноў і прапануе карыстацца сваімі фондамі на месцы ўсім жыхарам Гайнаўскага павета.

Дырэктар Цэнтра адукацыі настаўнікаў у Беластоку Крыстына Грабоўская, якая адкрыла мерапрыемства, падзякавала за працу бібліятэкарам-пенсіянерам і ўручыла ім ганаровыя граматы. Узнагароды за сваю працу з яе рук атрымалі сённяшнія працаўнікі гайнаўскай бібліятэкі Ірэна Пракапюк і Ала Мароз. Дырэктар станоўча ацаніла дзейнасць гайнаўскай установы, якая ў хуткім часе за еўрасаюзныя сродкі атрымае камп’ютэры. Будзе ў ёй наладжаны мультымедыяльны інфармацыйны цэнтр.

Кіраўнік Педагагічнай бібліятэкі Ірэна Пракапюк прадставіла гісторыю дзейнасці сваёй установы, якая на працягу пяцідзесяці гадоў была падпарадкаваная розным уладам. У снежні 1955 года 467 кніжак новазаснаванай Павятовай педагагічнай бібліятэкі змесцілася ў адной шафе, якая знаходзілася ў памяшканні Асветнага (...)

поўны тэкст артыкула ў друкаваным варыянце газеты або праз тыдзень у архіўным выпуску Нівы.PDF