Слоўныя дзівосы

Міра ЛУКША

Кнігу „Ксты”, выдадзеную ўжо ў пару тыражах, складалі Ала Сакалоўская і ксёндз Уладзіслаў Завальнюк (кандыдат гістарычных навук, магістр тэалогіі) з мінскага касцёла святых Сымона і Алены, а сфінансавалі яе прыхаджане гэтай рыма-каталіцкай парафіі (паэт з’яўляецца вернікам Уніяцкай царквы). „Ксты” — узор духоўнай паэзіі: „Беларусь адродзіцца Вераю”.

— Напісаў „Ксты” вялікі майстра слова. Рыгор Барадулін — вялікі чарадзей мовы. Яго мова — гэта цэлы свет, новы, непаўторны, яшчэ неспазнаны, — кажа А. Сакалоўская. — Добра ведаючы будову беларускага слова, ён стварае свае, новыя словы, якія арганічна ўпісваюцца ў мову. І здаецца, што гэтае слова было, толькі ты яго не ведаў...

Слова „Ксты” — шматзначнае. Гэта і хрост (хрышчэнне), і крыжы, і пальцы, складзеныя каб перажагнацца. Пераксціць — паблаславіць у дарогу, у войска, паблаславіць маладажонаў, хворага, нябожчыка.

Рыгор Барадулін не толькі піша па-беларуску, але і перакладае на розныя мовы свету. Праз яго паэзію Беларусь адкрываецца іншым народам і дзяржавам і, у сваю чаргу, узбагачаецца культурнымі набыткамі свету. (...)