Ніва № 48 (2585), 27 лістапада 2005 г.

Х літаратурны „Дэбют”

Міра ЛУКША

Ужо дзесяць гадоў падрад аб’яўляецца і праводзіцца Агульнапольскі конкурс беларускай паэзіі і прозы „Дэбют”, арганізаваны рэдакцыяй „Нівы” і Беларускім саюзам у РП. Прадстаўляе ён усю геаграфію Беласточчыны і не толькі — паяўляюцца тэксты з усяе Польшчы, у апошні час моцна прагучаў Познань, адкуль у апошнія гады прыходзіць неблагая проза. На сёлетні выпуск конкурсу дасланы былі 26 прац, у тым ліку 6 у І групе (дзеці і моладзь пачатковых школ і гімназій), 20 — у ІІ групе (моладзь сярэдніх школ і дарослыя). Сярод аўтараў дасланых прац упершыню ў конкурсе прынялі ўдзел трое ўзнагароджаных дэбютантаў — Іаанна Стэльмашук з Беластока, Юстына Бэбка з Гаўнаўкі і Святлана Дрозд з Нараўкі (агулам дэбютантаў было 4 — з І групы двое, і двое з ІІ групы). Конкурсная камісія, якую састаўлялі Надзея Артымовіч, Ежы Плютовіч і Янка Трацяк, вырашыла ўзнагародзіць наступных аўтараў: у першай групе — „Вясёлку” — Уршулю Пташынскую з Церамкоў Нараўчанскай гміны і Святлану Дрозд з Нараўкі. У другой групе ў галіне паэзіі: „Пані Я” — Іаанну Стэльмашук з Беластока ды „Юстыну” — Юстыну Бэбка з Гайнаўкі і „Каласка” — Мартыну Еву Леанеўскую з Лясной Нараўчанскай гміны — вучаніц Гайнаўскага беларускага ліцэя. У галіне прозы вылучаны былі „S(H)” — Анатоль Маўчун з Познані і „Лёсік” — Віталь Воранаў з Чарлейна пад Познанню.

— Вельмі цешыць тое, што ёсць такія людзі, якія ў наш вар’яцкі час яшчэ хочуць пісаць, — звярнуў увагу галоўны рэдактар „Нівы” Яўген Вапа. — Тым больш выказвацца на роднай мове. Шлях у літаратуру нялёгкі. Праз яе змагаемся з самім сабой, з тым, чаго баімся, бо літаратура гэта выяўленне сябе, перамаганне, маральная (...)

поўны тэкст артыкула ў друкаваным варыянце газеты або праз тыдзень у архіўным выпуску Нівы.PDF