Валеры Шчукін — заўжды ўпоперак

Раіна СТЭФАНЧУК

Гэтак расказвае 63-гадовы Валеры Аляксеевіч Шчукін, легенда барацьбы з бяспраўем на Беларусі, адстаўны афіцэр ваенна-марскога флоту, калі запытацца ў яго, калі пачаўся яго супраціў уладзе Аляксандра Лукашэнкі. Гэты рашучы камуніст і дэпутат распушчанага Аляксандрам Лукашэнкам Вярхоўнага Савета XIII склікання, які не раз арыштоўваўся і які ўсё пратэстуе супраць несправядлівасці і бяспраўя ўлады, нядаўна першы раз пабываў у Польшчы, у Беластоку. Цікавіўся ён польскім выбарчым законам і польскай сістэмай улады. Сустрэўся ён м.інш. з Маркам Рыбнікам, дырэктарам Ваяводскага выбарчага бюро. Пытаўся, як крок за крокам выглядае падрыхтоўка да выбараў і сам выбарчы дзень ды сам спосаб выбару. Як і хто можа быць назіральнікам, мужам даверу. Расказаў ён таксама „Ніве” аб сабе.

— Неяк так здарылася, што як толькі стаў я мараком, штосьці мяне схіліла да абароны правоў сваіх і іншых, хоць тады такога слова як праваабаронца ніхто не ведаў.

Статны, з барадой крыху карацейшай чым тая, талстоўская, якую насіў да нядаўна, пасля заканчэння ў другой палове шасцідзесятых ленінградскай ваенна-марской школы. Больш за 20 гадоў быў афіцэрам ваеннага марскога флоту. Пасля дэмабілізацыі працаваў м.інш. кранаўшчыком. У Савецкую Беларусь, бацькаўшчыну маці, ягоная сям’я вярнулася з расійскага Уладзівастока ў 1991 г. Супраціў вызваліўся ў ім ужо пры раннім Леанідзе Брэжневе, на першым караблі, на якім Валеры Аляксеевіч стаў на службу. Праз няпоўны год, абыходзячы непасрэдных начальнікаў, стаў у абарону „катоў” (па-руску „бычкоў”), адным з якіх сам толькі нядаўна перастаў быць. Не пагаджаўся на выкарыстоўванне іх старэйшымі калегамі. У якасці пакарання дзень у дзень ганялі яго на дадатковую работу...