Ніва № 46 (2583), 13 лістапада 2005 г.

Лунаў паўстанцаў дух

Генрых РЭЗНІК

Прыгожы восеньскі дзень. Апошняя нядзеля кастрычніка. У невялічкі раённы цэнтр з усіх куткоў Беларусі з’язджаюцца людзі. З Мінска і Барысава, з Брэста і Бабруйска, з Гродна і іншых мясцін Гродзеншчыны... Людзі едуць з адной мэтай — ушанаваць памяць ваяроў, палеглых за незалежнасць Бацькаўшчыны. На тварах урачыстасць і трывога. Машыны спыняе міліцыя. Падыходзяць людзі ў міліцэйскіх мундзірах і ў цывільным. Міліцыянты сцвярджаюць, што якраз у гэты дзень у Свіслачы праводзіцца нейкая аперацыя „Канал”. Людзі ў цывільным папярэджваюць гасцей раённага цэнтра, каб яны не выкарыстоўвалі нацыянальную бел-чырвона-белую сімволіку. Пагражаюць пакараннямі. У мясцовым храме ідзе імша па аддаўшых жыццё за Беларусь.

Ужо дзесяць гадоў запар, пасля таго як на свіслацкіх могілках была адшукана магіла Віктара Каліноўскага, брата кіраўніка паўстання 1863 года Кастуся Каліноўскага, тут, у апошнюю нядзелю кастрычніка традыцыйна ладзіцца мерапрыемства ў гонар змагароў палеглых за незалежнасць Радзімы. Свіслацкая імпрэза мае агульнабеларускі характар. На яе з’язджаюцца з розных мясцін Беларусі прадстаўнікі розных палітычных партый і грамадскіх структур, у тым ліку моладзевых патрыятычных арганізацый. Дзень памяці паўстанцаў 1863 года мае свой устойлівы час правядзення і сваю эмблему, якую зрабілі свіслацкія актывісты і дапрацаваў вядомы мастак Алесь Пушкін. На Гродзеншчыне, па ўжо ўсталяванай традыцыі, свіслацкая акцыя распачынае дні ўшанавання продкаў „Дзяды”. Людзі моляцца, ставяць знічкі і ўскладаюць кветкі да помнікаў Кастусю Каліноўскаму...

поўны тэкст артыкула ў друкаваным варыянце газеты або праз тыдзень у архіўным выпуску Нівы.PDF