Адпачынак на „Купале”

Міхал МІНЦЭВІЧ

Гаспадарка дзейнічае каля дзесяці гадоў і хаця яна, як кажуць уладальнікі, нерэнтабельная, далей будзе служыць і развівацца. На ўтрыманне гаспадаркі ўкладваюцца даходы з арэшкаўскай філіі варшаўскай фірмы „Зэгір”.

— Што памянялася ў гаспадарцы за апошні час? — пытаю Зіновія Галёнку.

— Ад нядаўна працуе „Карчма”, драўляны будынак, у якім прыбывае выкананых з драўніны і сталі помнікаў мінулага Гайнаўскай зямлі — усяго, чым калісь карысталіся сяляне; найстарэйшым экспанатам з’яўляецца драўляная барана з Арэшкава. У „Карчме”, якая можа змясціць трыццаць асоб, ёсць таксама кухня, дзе можна нарыхтаваць любыя стравы.

У апошні час дабудавалі мы назіральную вышку. Хаця яе вышыня крыху за дзесяць метраў, аднак з яе ўжо відаць навакольныя паселішчы, сцяну Белавежскай пушчы, сямействы буслоў, лісоў у суседа, палюючых катоў ды птушак, сядаючых на лініі электраперадач. Можна карыстацца біноклем і падзорнай трубой...