Погляд з ровара

Міхась КУПТЭЛЬ

Хіба ж паспрабуем жыць, напрыклад, у Кляшчэлях, якія ператварыліся з вёскі ў горад і далей існуюць як вёска. Хацеў я ў гэтым мястэчку купіць „Газету”, каб проста пачытаць. Якраз меў я такую нагоду, што ніхто не папракаў мяне ў тым, што я зноў чытаю, але газету купіць не ўдалося. І не ўдалося мне купіць святочнага выдання „Газеты” на Гайнаўшчыне праз цэлы месячны перыяд маіх веласіпедных вандровак. Быў гэта час вандровак, але і час адпачынку, і гэты якраз час хацеў я выкарыстаць на чытанне.

Вядома, летні гарачы рабочы час, каму там у галаве пісанае слова. Але калі так шыкарна арганізуецца турыстычная база, то турыстам не толькі трэба запэўніць „бровар”, але і штосьці для духа. Думаю, што гэтую, як i іншыя заўвагі возьмуць да сэрца, не толькі ўласнікі агратурыстычных кватэр, але і адказныя за арганізацыю турызму вакол Белавежскай пушчы.

Трэба пахваліць ПTTK за адпаведна пазначаныя веласіпедныя сцежкі. Але калі падняўся грыбом, лезь у каробку. Найлепш будуць ведаць, аб чым я гавару, адказныя за стварэнне сцежак, калі самі праедуцца па ўсіх адрэзках гэтых сцежак і калі ўжо стомяцца, то будуць ведаць, што веласіпедысту дзесьці трэба прысесці і адпачыць...