Сакрат нам патрэбны

Мацей ХАЛАДОЎСКІ

Кавярня, у якой ушаноўвалі аўтара м.інш. „Вялікага места Беластока”, прыгадала цяжкі перыяд у жыцці Сакрата Яновіча, калі ў палове сямідзесятых паяўляўся тут як свайго роду „целаахоўнік”, працаўнік Гарадской культурна-асветнай парадні ў час сустрэч Беластоцкіх культурных актуальнасцей і дазваляў сабе не ўпускаць без запрашэнняў нават цэнзараў.

Цяпер бенефіс пачаўся як належыцца, ад выступленняў „найважнейшых”: еўрадэпутаткі, а заадно рэктара Вышэйшай школы публічнай адміністрацыі ў Беластоку Барбары Кудрыцкай, падляшскага маршалка Януша Кшыжэўскага і старшыні падляшскага самаўрадавага сейміка Збігнева Кшывіцкага.

Агранізатар бенефіса і ягоны мадэратар, у гэты раз у прыцемненых акулярах, галоўны рэдактар часопіса „Карткі” Багдан Дудко, на ўзор легендарнага Пятра Скшынэцкага з кракаўскай „Піўніцы пад баранамі”, спецыяльна вітаў і дзякаваў жонцы і ад гадоў добраму духу Сакрата Яновіча — Таццяне. Барбара Кудрыцкая падзялілася сваімі ўражаннямі ад знаёмства з пісьменнікам...