Спасаўскія запусты 2005

Паўліна ШАФРАН-АСТАШЭВІЧ

Абрадавую частку, так званую „пэрэпэліцю”, некалькі мінут пасля шаснаццатай гадзіны прадставіла тэатральная група „Антракт” з Бельскага дома культуры. Маладыя акцёры, якія працуюць пад кіраўніцтвам Альжбеты Фіёнік, вязалі недакошанае ў час жніва збожжа, якое потым прыбіралі кветкамі, а на зямлі, паміж каласкамі, клалі кавалачак хлеба для зайцоў ці іншых жывотных, што мела, згодна з традыцыяй, паспрыяць ураджаю на другі год і быць падзякай для „матулі зямлі” за вырашчанае збожжа — сімвал жыцця, дастатку і даўгавечнасці. „Пэрэпэліця” — гэта і прыспеўкі, і народныя песні, якія гавораць не толькі аб жніве, але і аб каханні, роднай зямлі і шчасці. Загучэлі на сцэне беларуслая мова і дыялекты падбельскіх вёсак, што спадабалася публіцы, якая казала: „О! По-нашому говорат! Добрэ! Добрэ!”...