Апошні год Антона Луцкевіча

Маргарыта ПЯРОВА

Мае паведамленне — інфармацыйныя звесткі храналагічнага парадку за 1941-1942 гг. па матэрыялах следчай справы н-р 1100, пачатай 15 студзеня 1941 г. і закончанай 23 сакавіка 1942 г. на падставе даклада кіраўніка Медсанчасці (архіў 65, фонд 37, воп 14, архіў МУС г. Саратов). Арыштаванага 30 верасня, у Вільні, А. Луцкевіча адправілі ў турму н-р 1 г. Мінска, дзе ён знаходзіцца да кастрычніка 1940 г., калі ён быў накіраваны ў Маскву ў распараджэнне 2 аддзела ГУДБ НКУС СССР. Разам з ім дасылаецца справа н-р 51844 на 329 старонках (зараз яна захоўваецца ў архіве Вільні — Lietuvos Yratingasis Archivas — FК-1. Ар. 581 ВП 11794, т. I — М.П.), прыватныя рэчы абвінавачанага Луцкевіча А. І.: адзін пакет і пакет з рэчдокамі.

15 студзеня 1941 г. у Маскве арыштаваны Луцкевіч А. І. накіраваны ў камеру н-р 7 І корпуса ўнутранай турмы ГУБ, падвергнуты вышуку, сфатаграфаваны ў 3 отд. 1 спец. ад. НКУС СССР (у справе здымкі па 2 пары розных часоў без даты, М.П.).

7 ліпеня 1941 г. А. Луцкевіча азнаёмілі з абвінаваўчым прысудам, па якому ён асуджаны на 8 гадоў ВПЛ, лічачы з 30 верасня 1939 г. Месца назначэння — ст. Сосьва, чыгункі імя Кагановіча, Паўночны Ураллаг...