Гаспадарная радная

Аляксей МАРОЗ

Бедная гміна

— У гэтым годзе мала будзе інвестыцыяў у нашай гміне, бо будзем яшчэ сплачваць крэдыты на будову ачышчальні сцёкаў і школы ў Дубічах-Царкоўных. На дапамогу жыхарам Елянкі мы таксама выдаткавалі шмат сродкаў, — гаворыць спадарыня Галіна. — Апошнім часам мы адрамантавалі святліцу ў Елянцы. Зараз будзе рамантавацца святліца ў Грабаўцы, Ягадніках і плануецца асфальтаваць дарогу ў Тафілаўцах.

Апошнім часам хутка зніжаецца колькасць дзяцей у Комплексе школ у Дубічах-Царкоўных і таму цяжка забяспечыць усе адукацыйныя патрэбы вучняў сродкамі, якія перадаюцца з дзяржаўнага бюджэту.

— У нашых вёсках зніжаецца колькасць дзетак у школьным узросце і таму ўзнікнуць пытанні большага дафінансавання адукацыйных патрэб нашых вучняў з гміннага бюджэту, — заяўляе радная Галіна Бошка.

У гміне Дубічы-Царкоўныя штораз больш дамоў купляюць жыхары з цэнтральнай ды іншых рэгіёнаў Польшчы. Прыезджыя аднак найчасцей пасяляюцца каля Белавежскай пушчы. У Старым Корніне пенсіянеры і іх дзеці не рашаюцца яшчэ прадаваць сваіх хатаў...