Зоркі над Беластокам

Ганна КАНДРАЦЮК

Рок фестываль Маладой Беларусі пачынецца праз дзень. У лесе пад Гарадком, вядома. Сорак кіламетраў ад „вялікага горада Беластока”. Аднак яго вабнасць і сіла адчуваецца тут на кожным кроку. Іду праз новы „дэптак” і ўсюды бачу толькі плакаты „Басовішча”. Плакат прафесійны, уражвае каларытнасцю і сучаснасцю. Не знаходжу яго на рэкламным кругляку, дзе эстэтычны кашмар і аб’явы пра курсы для целаахоўнікаў, — і гэта прыносіць таксама сатысфакцыю. Тое, што кінецца ў вочы наведвальніку з Захаду ў нашым горадзе — гэта сярмяжная афіша і плакат. У цэнтры тут рэклама дыска-польскіх клубаў як „Viktoria” ці „Panderoza”.

Плакат „Басовішча” ад гадоў узбагачае эстэтыку горада ды наваколля.

У кавярні „Маршанд” — таксама пра „Басовішча”. У суботу ў Барыку мае з’явіцца легендарная Кора з рок-гурту „Маанам”. Першая зорка польскай рок-сцэны прыбудзе з уласнай цікавасці (як і па прапанове рэдактара „Картак” Багдана Дудко). Разам з Корай прыедзе паэт Каміль Сіповіч у якога беларускія карані...