З любоўю і ангажаванасцю

— Нядаўна Ваша дачка Каміла заняла пятае месца ў цэнтральных элімінацыях Экалагічнай алімпіяды. Якая была дарога да сямейнага поспеху?

— Гэта не быў сямейны поспех, а рэзультат працы вучня і настаўніка. Каміла біялогіяй цікавіцца здаўна. У мінулым годзе прымала яна ўдзел у некалькіх экалагічных праектах і многа працавала. Я, як настаўніца, мерытарычна дапамагала ёй і іншым вучням нашага ліцэя, што прымалі ўдзел у ваяводскіх элімінацыях. Вучань трэцяга класа Радамір Асташэўскі заняў дзевятае месца ў ваяводскіх элімінацыях. Дайшла да ваяводскага ўзроўню таксама ліцэістка першага класа Барбара Каліноўская.

— Раней пераможцамі Экалагічнай і Біялагічнай алімпіяд таксама станавіліся Вашы вучні. Які рэцэпт на поспехі ў агульнапольскіх алімпіядах?

— У алімпійца мусіць быць вялікая матывіроўка да вучобы, рашэнне на цяжкую працу і перад усім зацікаўленне тым, чаго ён хоча навучыцца. Калі вучань хоча атрымаць толькі добрыя ацэнкі, то поспехаў у яго не будзе. Мне шанцуе, што трапляю на вучняў з цягай да вучобы. Раней лаўрэаткай цэнтральнага этапу Экалагічнай алімпіяды была Ілона Карпюк. Фіналістамі гэтай алімпіяды былі Ігар Іванюк і Анна Васілюк. Тры разы былі вылучаны працы нашых вучняў у цэнтральным этапе Біялагічнай алімпіяды...