Ці ўлады дапамогуць?

Павел ВОШЧАНКА

Спачатку хочацца мне прадставіць некалькі важных гістарычных фактаў. Гэта неабходна, каб зразумець праблему. У вёсцы Дубіны — два могільнікі. Адзін з іх закрыты быў у 1935 г. З’яўляецца ён месцам пахавання жыхароў Дубінскага прыхода. У склад парафіі ўваходзілі тады наступныя мясцовасці: Дубіны, Лесьна, Гайнаўка, Ліпіны, Гнілец, Бельшчына, Катоўка, Аўгустова і многія іншыя, па якіх сёння не засталося ні следу, або якія былі далучаны да Гайнаўкі, а памяць ад іх засталася ў названнях вуліц: Паддольна, Дольна, Гурна, Юдзянка. У 1937 годзе ўлады дазволілі пабудаваць Дом праваслаўнай грамады, але ўжо ў 1939 годзе гэтая капліца была зачынена саветамі. Толькі ў чэрвені 1941 г. яе паўторна абсталявалі, а 26 мая 1942 г. капліца стала асядзібай Праваслаўнай парафіі св. Мікалая Цудатворца. Да таго года пахаванні адбываліся на могілках у Дубінах і Новаберазове. На шляху ў могільнік стаяла царква, якую ў 1873 годзе перанеслі ў вёску Рагачы.

Хочацца запытаць, чаму на месцы, дзе калісьці знаходзілася царква, не застаўся найменшы след? Спадзяюся, што такі лёс абміне могілкі і ўжо нікому не прыйдзе ў галаву высячы старыя, прыгожыя сосны, а затым заараць або пабудаваць супермаркет. Баюся за стан старых могілак...