Узвышша царкоўнай музыкі

Ганна КАНДРАЦЮК

Сапраўды, у час ХХIV выпуску фестывалю тон задавалі маладыя. І тут ідзе не толькі пра сярэдні ўзрост спевакоў, а хутчэй пра духоўны росквіт і самы высокі прафесіяналізм. З ліку 24 выканаўцаў больш за палову складалі маладыя з Польшчы, Літвы, Латвіі, Украіны, Малдавіі, Расіі, Балгарыі, Беларусі. Згаданы хор „Крэда” быў заснаваны ў 2002 годзе і ўжо на сваім рахунку мае шмат замежных узнагарод. У хоры, якім кіруе Багдан Пліш, спяваюць выкладчыкі і студэнты Нацыянальнай Музычнай акадэміі Украіны імя П. Чайкоўскага. Прафесіяналізм спалучаюць яны з глыбокай духоўнасцю, талентам, сілай. Тое ж самае можна сказаць пра малдаўскіх, рускіх, латышскіх ды балгарскіх харыстаў. Здзіўляе таксама вялікая колькасць выканаўцаў з Польшчы. Запрэзентаваліся таксама два беластоцкія хоры — Хор працаўнікоў Беластоцкага політэхнічнага інстытута „Паліфанія” (пад кірункам Андрэя Такаюка) з класным сола беларускай спявачкі Алы Каменскай ды Акдэмічны хор Універсітэта пад кірункам Эдварда Кулікоўскага. Прысмак экзотыкі (разам з прафесіяналізмам) запрэзентаваў жаночы калектыў „На’ама” з Ізраіля ды грузінскі калектыў з Тбілісі. Апошнія захапілі сцішаным стылем грузінскіх царкоўных напеваў ды нацыянальнымі касцюмамі...