Чарга за палякамі

Мацей ХАЛАДОЎСКІ

А калі бачым падзеі вакол Саюза палякаў Беларусі, аказваецца, што такія дзеянні ў Еўропе 2005 года магчымыя. Вось аж Міністэрства юстыцыі Беларусі палічыла сакавіцкі з’езд Саюза палякаў няважным і загадала яго паўтарыць. Азначае гэта неабходнасць выбару ўлад іншых, чым былі выбраны на сакавіцкім з’ездзе СПБ з Анжалікай Борыс у якасці старшыні. Міністэрства спасылалася быццам бы на пратэсты дэлегатаў з’езда.

Той кур’ёзны ў сусветным маштабе скандал пракаменціравалі зараз жа маршалак польскага Сената Лонгін Пастусяк і шэф МЗС у Варшаве Адам Ротфельд.

— Пазіцыю беларускага Міністэрства юстыцыі лічым парушэннем фундаментальных правоў нацыянальных меншасцей. Яно — нязгоднае са стандартамі АБСЕ і Савета Еўропы, — сказаў маршалак Сената.

— Гэта незаконныя дзеянні, ламанне шматбаковых і двухбаковых абавязацельстваў. Нельга гэту справу пакінуць самой сабе, — запэўніваў шэф польскага знешнепалітычнага ведамства.

Рашэнне беларускага Міністэрства юстыцыі ўпісваецца ў шырэйшую палітыку Аляксандра Лукашэнкі перад маючымі адбыцца ў наступным годзе прэзідэнцкімі выбарамі і разломнымі, незалежніцкімі працэсамі ў краінах, якія ў апошнія гады застаюцца ў г.зв. шчыльных стасунках з Расіяй. Прэзідэнт Лукашэнка элімінуе па чарзе ўсе нявыгадныя яму партыі і арганізацыі ды іх лідэраў...