Ніва № 20 (2557), 15 мая 2005 г.

Полаўцы — Пяшчатка

Уладзімір СІДАРУК

У 13 нумары „Нівы” ад 27 сакавіка друкаваўся рэпартаж Яўгена Мірановіча „Брэст за жалезнай заслонай”. Аўтар трапна намаляваў шэрую рэчаіснасць Падляшша, асабліва мясцін, якія знаходзяцца на польска-беларускім сумежжы. Тое, што цяжка дабрацца з Беластока ў Чаромху (і наадварот) здзіўляе спадара Мірановіча, але жыхарам прыгранічнай Чаромхі ды прылеглых да чыгуначнай лініі Чаромха — Беласток вёсак гэта штодзёншчына. Варта затым задумацца, чаму ваяводскія ўлады, як і Міністэрства інфраструктуры не кіўнуць пальцам, каб вырашыць адвечную праблему ў карысць лакальнай грамадскасці. Чарамшанам вядомай здаецца быць адмысловая ізаляцыя Усходняй сцяны ад свету. Варта напомніць, што асноўны перавозчык, якім з’яўляецца суполка Рэгіянальныя перавозы ў Варшаве прыняла дзяржаўную маёмасць ПКП, не далажыўшы да „інтарэсу” ніводнай залатоўкі. Неразважлівымі „рэструктурызацыямі”, якія зводзіліся адно да ўвелічэння штатаў высокіх начальнікаў і такіх жа зарплат, прывяла прадпрыемства ў руіну. Дакаціліся ўжо да таго, што каса пустуе і, каб утрымацца на мяккіх крэслах, дапамінаюцца ўсё большых датацый з дзяржаўнага бюджэту. Калі не, дык пагражаюць, што адменяць курсіраванне цягнікоў на „нерэнтабельных лініях”, як гэта канстатавала Падляшскае прадпрыемства пасажырскіх перавозаў у Беластоку. Чарамшанам не трэба тлумачыць, каго гэта тычыцца. Дырэктар Г. Кужына падрабязна рэалізуе раней напісаны сцэнарый наконт Чаромхі — закрыць лінію Чаромха — Беласток.

Спадар Мірановіч далей піша, што і на беларускім баку справа не лепш маецца. Транспартныя фірмы не дбаюць аб кліента, аб чым сведчыць прыклад паказаны аўтарам (брэсцкая электрычка, як і маршрутны аўтобус „уцякаць з-пад носа” пасажырам, якія прыязджаюць рэйкавым аўтобусам з Чаромхі ў Высока-Літоўск). Не стану вяртацца ўспамінамі да мінулай гісторыі, як падарожнічаў я прамым цягніком Беласток — Брэст, якога называлі цягніком-прывідам або „пшэмытнікам”. Спадар Мірановіч гэта зрабіў. Абмяжуюся затым да свайго падарожжа ў Высокае, дзе пакарыстаўся я пагранічным пераходам Полаўцы — Пяшчатка...

поўны тэкст артыкула ў друкаваным варыянце газеты або праз тыдзень у архіўным выпуску Нівы.PDF