Тарасевіч у Гайнаўцы

Аляксей МАРОЗ

— Я ведаю многа песень і цікаўлюся этнамузыкалогіяй. Заязджаючы на Сакольшчыну, я зацікавілася Янам Тарасевічам. Рашылася сабраць інфармацыю пра забытага ў Польшчы і Беларусі кампазітара, — сказала Ганна Кандрацюк-Свярубская, якая з 1993 года пачала вельмі актыўна збіраць матэрыялы пра беларускага кампазітара. Напомніла яна, што кніжка „W strone Tarasiewicza” выклікала зацікаўленне кампазітарам у журналіста Беластоцкага тэлебачання Юрыя Каліны. На сцэнарый Ганны Кандрацюк-Свярубскай Юрым Калінам быў зняты фільм „Забыты кампазітар”, які паказваўся па першай праграме Польскага тэлебачання. Удзельнікі гайнаўскага спаткання вельмі цёпла ўспрынялі фільм. Пыталі пра дэталі з жыцця Тарасевіча, а Ганна Кандрацюк вельмі дакладна адказвала на пытанні.

— Удалося мне злавіць час. Большасць герояў маёй кніжкі і фільма ўжо не жыве. Раней пра Яна Тарасевіча мала хто ведаў. Зараз у Беларусі ўспрымаецца ён як класік беларускай музыкі. У Музычнай акадэміі ў Мінску вывучаюць яго кампазіцыі. Лічыцца ён пачынальнікам сольнай фартэпіяннай творчасці, — кажа Ганна Кандрацюк...