Быкаў у Варшаве

Тамаш СУЛІМА

Шмат чаго, бо і паглядзець выстаўку прысвечаную пісьменніку, і паслухаць дакладаў на тэму творчасці, пабачыць фільм „Вяртанне” Віктара Корзуна (які, дарэчы, ужо ў Варшаве дэманстраваўся) ды ў канцы паслухаць Касю Камоцкую — гэта ўсё падрыхтавалі арганізатары „Дзён Васіля Быкава”, якія пачаліся 4 сакавіка г.г. Выстаўка, прысвечаная аўтару, будзе працаваць да канца месяца. Арганізатарамі выступілі: Міжфакультэтны навуковы кружок „Albaruthenica”, які дзейнічае пры Кафедры беларускай філалогіі ды Калегіі міжфакультэтных індывідуальных гуманітарных студыяў, Грамадска-культурны кружок „Тамтэйшыя”, які дзейнічае пры Таварыстве Польшча-Беларусь, Кафедра беларускай філалогіі Варшаўскага універсітэта, ды як фінансавы спонсар — Аўстрыйскі форум культуры. Нямнога беларускіх культурных імпрэзаў ладзіцца ў сталіцы, так што напэўна варта было наведаць Нацыянальную бібліятэку ў Варшаве ў час мерапрыемства. Тыя, што з’явіліся на адкрыцці пунктуальна, мелі магчымасць пачуць „Przeslanie dla potomnych” — інтэрв’ю Васіля Быкава ўзятае беларускай рэдакцыяй Радыё Палёнія. Канферэнцыю адкрыў праф. Аляксандр Баршчэўскі, затым выступілі госці: Генадзь Бураўкін (старшыня дэлегацыі Саюза беларускіх пісьменнікаў), Сяргей Законнікаў (член СБП), Валеры Грыцук (беларускі актывіст)...

(...)