Чужы я ўсюды

Віктар ШВЕД

Дзмітры Шатыловіч — паэт надта сціплы ў сваёй творчасці, піша не зашмат і таму хацелася б прачытаць амаль усё, што выходзіць з-пад яго пяра. Ды тут крыху статыстыкі. Са складзеных паэтам у друк 62 вершаў у зборніку на 60 старонках паявілася толькі 35 вершаў. Для 27 твораў не знайшлося месца ў зборніку і гэта не таму, што не заслугоўваюць яны на публікацыю, толькі з прычын недахопу фінансавых сродкаў. Мяркую, што паэт поўнасцю заслугоўвае на гэта, каб друкавацца на дзяржаўныя грошы, аднак дакінуў бы ён нешта са сваіх уласных пенсійных грошыкаў, каб толькі ўсе складзеныя ім вершы ўбачылі свет. І сталася так, як бачым, што выйшаў зборнічак надта сціплы.

Пераходзячы да зместу кніжкі хачу звярнуць увагу на надта паэтычны яго загаловак „Вясёлка над імглою”. У параўнанні з папярэднімі зборнікамі паэта няма ўжо яго даўняга юнацкага ўздыму, весялосці, энтузіязму, імкненняў і спадзяванняў. Усё ўжо знікае за імглою, адыходзіць у нябыт. Паэт сцвярджае з сумам...

(...)