Цікавасць да свайго

— Большае зацікаўленне заняткамі беларускай мовы напэўна выклікала павышаная актыўнасць гімназістаў і настаўнікаў у мінулым годзе. Прымалі мы ўдзел у праекце супрацоўніцтва са школамі ў Беларусі і асобна спатыкаліся з вучнямі і настаўнікамі Гімназіі ў Пружанах, — заяўляе дырэктар Гімназіі ў Дубінах Тамара Крайнік. — Нашы гімназісты рэалізавалі таксама рэгіянальныя праекты, якія выклікалі зацікаўленне гісторыяй родных вёсак і жыццём продкаў.

На ўроку беларускай мовы, які вядзе Валянціна Касцевіч, гімназісты першага класа прапануюць прачытаць мне легенды пра свае вёскі. Чытаюць акуратна сабраныя і пераапрацаваныя ў цікавыя народныя паданні аповеды старажылаў. Гімназісты вучыліся беларускай мове ў падставовай школе.

Настаўніца прынесла апошні нумар „Нівы”. Амаль кожны другі вучань гэтай групы падпісаўся на наш тыднёвік. Гімназісты інфармуюць, што нядаўна наладзілі падпіску і чытаюць артыкулы. Зацікавілі іх крыжаванкі. Вучні хваляць сваю настаўніцу за цікавыя і разнародныя ўрокі...

(...)