„Троіца” — антэна ў космас

Ганна КАНДРАЦЮК

Песні беларускага этна-гурту дзякуючы нідэрландскай фірме „PAN Records” прадаваліся па ўсёй Еўропе, у Японіі, Індакітаі... У апошні час „Троіца” выступае ў вялікіх канцэрт-холах і ў сталіцы Беларусі.

Вось нядаўна, 16 снежня 2004 г., першы этна-шаманскі беларускі гурт запрэзентаваўся ў беластоцкай кавярні „Фама”. Дарэчы, гурт ужо другі раз наведаў наш горад, другі раз па запрашэнні Звязу беларускай моладзі — арганізатара другіх „Музычных зімовых сустрэч”.

Канцэрт, які быў упісаны ў прэзентацыю новага кампакт-дыска, стаўся падзеяй у музычным свеце горада.

І хоць, як адзначыў Іван Кірчук, „Троіца” не змагла прыехаць з усімі сваімі інструментамі, спадзяванні перасягнулі самі сябе! Спевакі, цалкам загаварылі зубы тлумнай публіцы. Спачатку моладзь трэба было суцішаць (вядома, як у кафэ-бары), паступова зала моўкла, каб у канцы пакарыцца харызматычнаму голасу саліста, ды, на канец, не адпускаць гурт са сцэны.

А на развітанне сама зала выплескала інструментальную аранжыроўку шэдэўра „Яблынь моя”...

(...)