На поўным люзе

Ева СЦЕПАНЮК

— Што ўсім — тое і мне, — кажа.

— Ну так, — бяру хрысціянскую ноту — а як прымусяць у пекле вазіць дзень і ноч смалу ў бочцы? (сёння ў царкве бацюшка страшыў алкаголікаў пеклам).

Ёзік Д. на момант ажыўляецца і пасылае ў паветра банальны мат.

— А, то ў пекле, — кажа гледзячы ў неакрэслены пункт, — буду мець якуюсь работу!

Папраўдзе, работы ў Ёзіка Д. хоць адбаўляй. Найперш яму трэба ачуняць пасля адзінаццацідзённага запою.

Нічога што на іржышчы гніе салома, а ў хляўку, дзе стаяць авечкі, заваліўся дах.

— Прабачце, што я непабрыты, — сароміцца кавалер, — а то як воўк аброс.

* * *

Напачатку ў Н. мяне ледзь не раз’ехаў п’яны трактарыст.

Сёння, 11 верасня. Свята Головэсека — так у народзе на Гайнаўшчыне завуць дзень Усячэння Галавы святога Іаана Хрысціцеля. У царкве памінаюць памерлых, а ў апошнія гады — моляцца яшчэ за ахвяры тэрарызму.

— То такое вялікае свята, што нават яблык нельга сарваць, — кажа маці Ёзіка Д. — Калісь, бывала, усе ў гэты дзень шчыра пасцілі...

(...)