Участкі ўжо раскуплены

— Гарадоцкая гміна расцягнулася, па сутнасці, уздоўж Баранавіцкай шашы. Але некаторыя мясцовасці, напрыклад Боркі ці Мастаўляны, населеныя пажылымі людзьмі, аддалены яд яе. Якім чынам іх жыхары могуць даехаць, напрыклад, да лекара?

— Сапраўды, у нашай гміне пражывае многа старэйшых людзей. Медыцынскі дагляд за імі — незалежна ад іх канфесіі — здзяйсняе гарадоцкі ўчастак „Caritas”, якога працу — выконванне ўколаў ці давозы лекара — гміна фінансуе.

У год каля чатырох асоб з нашай гміны кваліфікуецца ў прытулкі. Гэта нямнога і таму адкрыцця ўласнага не прадбачваем. Кіруем такіх людзей у Ялоўку, Саколле, Лазні. Часта нямоглымі людзьмі займаецца сям’я, наймае каго для нагляду за імі.

Жыхары далейшых мясцовасцей карыстаюцца гмінным транспартам, які давозіць дзяцей у школу. Пасля гмінных хадайніцтваў тройчы ў тыдзень аўтобус Пэкаэсу заязджае ў Свіслачаны. У аўторкі, калі ў Гарадку тарговы дзень, пасылаем гмінны „Асінобус” у Мастаўляны...

(...)