Ніва № 30 (2515), 25 ліпеня 2004 г.

Арлянскі капіталізм

Міхал МІНЦЭВІЧ

Падаткі з’яўляюцца галоўнай крыніцай бюджэтных паступленняў кожнай гміны. Яны вырашаюць пра яе дзейнасць, уплываючы на размах гмінных мерапрыемстваў, а спосаб іх выкарыстання вырашае пра напрамак развіцця. У Арлянскай гміне многія людзі бяднеюць і не маюць з чаго плаціць падаткаў.

Сціплы сёлетні бюджэт Арлянскай гміны (4 817 318 злотаў разам з субвенцыямі і датацыямі ды з планаванай задоўжанасцю вартасцю ў 1 250 тысяч злотаў) складаюць прыходы з падаткаў ад фізічных і юрыдычных асоб ды іншых суб’ектаў на аснове падаткаў зямельнага, ляснога, ад нерухомасцей, транспарту і г.д., якія сёлета маюць унесці 1 500 тысяч злотаў. На аснове падаткавых законаў жыхары гміны павінны плаціць падаткі згодна з вызначанымі Радай гміны стаўкамі. Трэба гэта рабіць нават тады, калі плацельшчык знаходзіцца ў цяжкіх матэрыяльных абставінах, у іншым выпадку за адцяжку налічваюцца адсоткі, а за задоўжанасцю можа з’явіцца секвестратар. Адзінай асобай, уладнай пагасіць падатак ці задоўжанасць, з’яўляецца толькі войт...

(...)