Ніва № 29 (2514), 18 ліпеня 2004 г.

Перашкодзілі дажджы

Аляксей МАРОЗ

Сёлетнія сенакосы распачаліся ўдала. Ранейшыя дажджы спрычыніліся да добрага росту травы, а пазнейшае сонечнае надвор’е спрыяла хуткаму сушэнню сена. На Бельшчыне і Гайнаўшчыне ўбіранню корму жывёле перашкодзілі дажджы. У некаторых месцах сенакосы адтэрмінаваліся нават на некалькі тыдняў. Здаралася, што гаспадары ўручную выносілі з ніжэйшых сенажацей прамоклае сена і перасушвалі яго на распаложаных вышэй лугах. Трэба было адставіць на бок трактарныя варочалкі і прычэпы, што самі збіраюць сена і карыстацца здаўна выпрабаванымі граблямі і віламі.

Нават жыхары Збуча і Чыжоў, якія заўсёды рана выходзілі касіць траву-сеянку, не справіліся да першых дажджоў. Калі ў сонечнае надвор’е наведаў я гэтыя вёскі, іх жыхары з нецярплівасцю спазіралі на неба. Цёплае і духмянае паветра не давала пэўнасці, што сонечнае надвор’е ўтрымаецца да адвячорка. Каля Збуча пры дарозе ўбачыў я трактар з возам падрыхтаваным для звозкі сена...

(...)