Ніва № 23 (2508), 6 чэрвеня 2004 г.

Добрае ўжо было і... пэўна будзе

Віталь ЛУБА

У канцы мая ўсе сродкі масавай інфармацыі гучна заявілі, што грамадзяне Польшчы затужылі па ПНР. Як паказалі вынікі апытання грамадскай думкі, праведзенага рэдакцыямі „Газеты выбарчай”, тэлеканала TVN і радыёстанцыі ZET, найбольшай папулярнасцю сярод кіраўнікоў Польшчы карыстаецца Эдвард Герэк — І сакратар ЦК ПАРП у сямідзесятых гадах. У яго карысць выказалася 46% апытаных. За ім апынуліся Лех Валэнса (39%), Аляксандр Кваснеўскі (26%), Тадэуш Мазавецкі (20%) і Войцех Ярузэльскі (16%). Жыхары вёсак і малых мястэчак лічаць, што пры ПНР жылося ім лепш, больш бяспечна, што ў людзей было больш грошай і адчувалі яны сэнс жыцця.

Калі параўнаць матэрыяльнае становішча цяперашняй вёскі і вёскі трыццацігадовай даўнасці, то, нягледзячы на тадышнія гаспадарчыя парадоксы, геркаўскі перыяд сяляне могуць успамінаць з настальгіяй. У сямідзесятых гадах працаваў я ў Мілейчыцкай гміне і меў нагоду спазнаць усе бакі гаспадарча-грамадскага жыцця ўсходняй Беласточчыны...

(...)