Ніва № 16 (2501), 18 красавіка 2004 г.

Заўсёды сярод найлепшых

Міхал МІНЦЭВІЧ

Арлянская гміна можа ганарыцца людзьмі спорту і традыцыямі прапагандавання фізкультуры не толькі ў вясковым асяроддзі. У гонар Аляксандра Войны, які паходзіў з самой Орлі, у Беластоку праводзіцца лёгкаатлетычны мемарыял, а ягоны сын Цэзары некалькі гадоў таму быў адным з мацнейшых у краіне кідальнікаў кап’я. У 90-х гадах выдатных вынікаў у кіданні кап’я дабіўся сярод юніёраў Яраслаў Вітошка з Орлі (пляменнік аўтара). У мінулым значную ролю ў развіцці спорту адыгралі настаўнікі фізкультуры: Васіль Ляшчынскі ў Моры і Раман Лудзь у Орлі. Аб арлянскіх спартсменах, а дакладней — футбалістах, добра вядома і сёння. Актыўна дзейнічае футбольная каманда GKP (Gminny Klub Pilkarski) Орля, дзякуючы, у галоўнай меры, Сцяпану ЛУШЧУ з Кашалёў, які ўжо шмат гадоў займаецца развіццём вясковага спорту...

(...)