Цягнікі гісторыі на Беласточчыне

Аляксандр ВЯРБІЦКІ

Беластоцкі помнік Пілсудскаму можна разглядаць як ушанаванне ягонай калісь пабыўкі ў нас. Але якое дачыненне маюць у суседзяў Ленін да Гродна і Сталін да Свіслачы, варта падумаць.

Вядома, што дзеля рэвалюцыі немцы падкінулі Леніна пад Петраград; меркаванне, што кінулі яго праз Швецыю лічу звычайным кічам. Найбольш верагодна, што адбылося гэта па Варшаўска-Пецярбургскай чыгунцы — значыць Ленін бачыў на свае вочы не толькі Гродна, але і Беласток; магчыма, што ён набілітаваў сваім позіркам і іншыя мясцовасці. І ж Сталін ехаў у Патсдам і вяртаўся адтуль. Мабыць ён ехаў праз Свіслач і Гайнаўку, бо ж не без дай прычыны стаў каштоўны бюст у Свіслачы. Варта пра гэта дадумацца і ў Гайнаўцы!..

(...)