Заахвочваем Беларусь

— Вы ўспаміналі аб тым, што мяжа Еўрасаюза не можа замыкацца на Бугу. Якую тады ролю павінна ў далейшым пашыранні ЕС адыгрываць Польшча ў адносінах да ўсходніх суседзяў?

— Нельга нам будаваць на нашай усходняй мяжы ніякую заслону, ні жалезную, ні аксамітную, ані новы мур. Мяжа павінна быць шчыльная для паталогій, злачыннасці, але мусіць быць адкрытая для пасажырскага руху, таварнага абмену, пераплыву капіталу. Нашым прыкладам павінны мы заахвочваць усходніх суседзяў, пераконваць, што цяжкая трансфармацыя, якая гадамі здзяйсняецца ў Польшчы, і што курс на еўрапейскую арыентацыю — крыніца поспехаў і варта ісці гэтай дарогай, бо і нашы ўсходнія суседзі могуць такім чынам дасягнуць поспеху.

— Але ці, на Вашу думку, з беларускага боку ёсць такое зацікаўленне? Як вядома, Беларусь хіліцца да Расіі.

— Я мяркую, што зацікаўленне ёсць. Нашы ўсходнія суседзі, таксама і Беларусь, глядзяць на Польшчу з вялікай увагай і зацікаўленнем. Польшча можа быць заахвочваючым прыкладам для адпаведнай палітыкі для Беларусі.

— Чаго канкрэтна датычылі Вашы размовы з прэм’ерам Беларусі ў Варшаве?

— Перш за ўсё мы ацанілі гаспадарчыя адносіны, прызнаючы, што ёсць у нас яшчэ агромныя рэзервы. Прэм’ер Беларусі ўспомніў аб некалькіх цікавых інвестыцыях, у якіх могуць удзельнічаць польскія капітал і прадпрымальнікі. Я інфармаваў аб нашай дарозе ў ЕС, заахвочваючы свайго суразмоўцу, каб Беларусь брала з нас прыклад.

— Ці новы візавы рэжым меў, на Вашу думку, уплыў на польска-беларускае супрацоўніцта?

— Варта заўважыць, што ўвядзенне віз не паўплывала на нейкае абмежаванне ані ў пасажырскім руху, ані ў гандлі. Выглядае на тое, што сёлетні гандлёвы абарот з Беларуссю будзе большы, чым леташні і трансгранічны гандаль не паменшыцца. Можна сказаць, што апаскі, якія спадарожнічалі ўвядзенню візавай сістэмы, на шчасце, не апраўдаліся.

Владзімеж Цімашэвіч дадаў:

— Да ўчора (22 лістапада) выдалі мы 225 тысяч віз для грамадзян усходніх суседзяў Польшчы. Гэта амаль 50 прац. колькасці віз выдадзеных за ўвесь мінулы год ва ўсіх краінах свету польскімі консульствамі. Выканалі мы ўсё гэта на працягу паўтара месяца.

Пытаўся Мацей ХАЛАДОЎСКІ