Візы танней?

— Мы гатовы панізіць цану на візы ў два разы. Ніжэйшай цаны дастаткова, каб пакрыць кошты іх выдавання.

Аднабаковае паніжэнне цэн Польшчай было б, на думку міністра, не ў парадку ў адносінах да Украіны. Зраклася яна браць ад палякаў аплаты за візы, у адказ на факт, што польскі бок узяў на сябе ўсе кошты звязаныя з іх выдаваннем. Владзімеж Цімашэвіч падкрэсліў таксама, што апаскі наконт гвалтоўнага падзення руху на межах пасля ўвядзення 1 кастрычніка візавага рэжыму былі беспадстаўныя. Прывёў даныя польскіх консульстваў, якія выдалі толькі ў кастрычніку больш за 150 тысяч віз, галоўным чынам — шматразовых.

— Гэта сведчыць аб магчымасці вяртання да становішча ў асабовым руху да ўвядзення візавага абавязку.

Згодна з дамовай з Шэнген, немагчыма цалкам адмяніць візы. Аднак, прэзідэнт Аляксандр Кваснеўскі ў апошнім інтэрв’ю расійскаму тэлебачанню сказаў:

— Надзеюся, што праз пару гадоў будзем мець бязвізавы рух з усімі, таксама з Расіяй ды Украінай.

Не ўспомніў, аднак, аб Беларусі.

Тым часам, па-за паніжэннем цэн на візы, на думку міністра Цімашэвіча, ёсць магчымасць увядзення палягчэнняў у прыгранічным руху. Гэта цяпер пад развагай Еўрапейскай камісіі. Калі б так здарылася, то на лягчэйшае перасяканне мяжы маглі б разлічваць жыхары прыгранічнай паласы ў 50 кіламетраў.

Міністр Цімашэвіч паінфармаваў таксама аб размове з міністрам замежных спраў Беларусі пару тыдняў таму. Прагучала тады заява аб магчымым адкрыцці пяці новых пагранпераходаў. Справа ў паскарэнні адкрыцця пераходаў у Ліпшчанах ці Хварасцянах. Па-прыярытэтнаму трактуецца павышэнне статуса пагранперахода ў Полаўцах. Да гэтага часу служыў ён толькі грамадзянам Польшчы і Беларусі. Аб пераломе справы новых пагранпераходаў можа сведчыць факт, што Міністэрства ўнутраных спраў і адміністрацыі перадало 150 тыс. злотых на інвестыцыі на лакальным пагранпераходзе ў Белавежы.

(мах)