Памёр Васіль Быкаў

Пісьменнік нарадзіўся 19 чэрвеня 1924 г. у вёсцы Бычкі Віцебскай вобласці. У час ІІ сусветнай вайны ў радах Чырвонай Арміі ваяваў на тэрыторыі Румыніі, Балгарыі, Венгрыі, Югаславіі і Аўстрыі.

Першыя творы Васіля Быкава апублікаваны былі ў 1947 г., аднак творчая біяграфія пісьменніка пачалася ў 1951 г. з расказаў, героямі якіх сталі салдаты і афіцэры, што акрэсліла далейшую тэматыку яго творчасці. Вядомасць пісьменніку прынесла аповесць „Трэцяя ракета”, напісаная ў 1962 г. Чарговыя аповесці „Альпійская балада” (1964), „Сотнікаў. Абеліск” (1972), „Пайсці і не вярнуцца” (1979), „Мёртвым не баліць” (1989), „Дажыць да світання” (1990) паставілі яго ў адзін цэраг з выдатнымі майстрамі ваеннай прозы ХХ стагоддзя. У іх аўтар абараняў праўду аб вайне перад фальсіфікатарамі гісторыі, за што падвяргаўся крытыцы ў дязржаўным друку.

Некалькі апошніх гадоў пісьменнік жыў за мяжой — спачатку ў Фінляндыі, потым у Нямеччыне, а з 2002 г. у Чэхіі. Сёлета ў красавіку пісьменьніку была зроблена анкалагічная аперацыя ў Празе. Апошнія тыдні Быкаў лекаваўся ў Беларусі, у анкалагічнай клініцы ў Бараўлянах.

(вл)