Юбілей „Антракту”

Аляксей МАРОЗ

Старэйшыя вучні прадставілі абрадныя сцэнкі „Хрысціны” і „Вяселле”. З гэтымі пастаноўкамі выступалі яны на абрадавых і тэатральных аглядах. У Ваяводскім аглядзе вясковых і абрадавых тэатраў у Ломжы за пастаноўку „Вяселле” атрымалі першае месца, а ў Тэатральным конкурсе ў Кляшчэлях занялі трэцяе месца. Выступалі яшчэ на Аглядзе абрадавых калектываў у Гарадку, Спасаўскіх запустах у Бельску, у бельскай „тройцы” і Бельскім доме культуры. Каб падрыхтаваць народныя абрады, моладзь сабрала фальклорны матэрыял у навакольных вёсках і апрацавала яго. Сярод старэйшых вучняў найлепшымі акцёрамі аказаліся Юльяна Шчурак, Агнешка Смактуновіч і Кацярына Казак, а вельмі прыгожа спявала Мальвіна Бароўская. У калектыве „Антракт” найбольш займаецца вучняў з Падставовай школы і Гімназіі н-р 3 ды Агульнаадукацыйнага ліцэя з беларускай мовай навучання ў Бельску. Сярод заснавальнікаў тэатральнага калектыву былі сённяшнія вучні чацвёртых класаў ліцэя Жанэта Роля і Мажэна Жменька, якія вялі юбілейны канцэрт. На мерапрыемства прыйшлі Міхась Сцепанюк і Тамаш Суліма, якія таксама выступалі раней у калектыве.

— Удзельнікі „Антракту” ўмеюць гаварыць на гутарковай беларускай мове. Многія цікавяцца мінуўшчынай і адкрываюць пры гэтым сваю беларускасць, — заявіла апякун Альжбета Фіёнік.

Пасля выступленняў найлепшыя акцёры атрымалі дыпломы, а святкаванне закончылася пачастункам.