Недаацэненая УП

Мацей ХАЛАДОЎСКІ

Блізка 60 дэлегатаў (на каля 160 членаў партыі ў рэгіёне) падзякавала гэтым самым былому старшыні Пятру Галашэўскаму (настаўніку і дзеячу Саюза польскіх настаўнікаў), які ў сваёй справаздачы пахваліўся разбудовай партыйных структур у рэгіёне, у тым ліку ў Гайнаўцы і Бельску-Падляшскім. Дадаў, аднак: „Краёвыя ўлады ўспрымаюць нас як арганізацыю найменш шматлюдную”.

Незалежна ад поспехаў на парламенцкіх выбарах, якіх дасягнула УП у краіне (16 дэпутатаў і ўдзел у кіраванні краінай — М. Х.), рэгіянальныя структуры не могуць імі пахваліцца. У нашым ваяводстве УП не ўвяла ніводнага кандыдата ў Сейм і Сенат (хоць працуе пасольскае бюро Аляксандра Малахоўскага). Як сказаў Галашэўскі, на цяжкасці натыкаецца таксама супрацоўніцтва з кааліцыянтамі — СЛД і ПСЛ. Незалежна ад напамінак Уніі (па прапанове Лешка Мілера), падляшскі ваявода не сарганізаваў да гэтай пары сустрэчы ў сябе лакальных лідэраў гэтых трох груповак. Галашэўскі акрэсліў гэта скрыгатам.

— Пашкадавалі нам не толькі пасад палітычных, але і мерытарычных, напрыклад, у Кураторыі асветы. Шмат хто з нас разлічваў знайсці занятак, — прамаўляў Галашэўскі, — але мы пралічыліся. У размовах з ваяводам Стшалінскім (СЛД — М. Х.) мы прадставілі яму сем прозвішчаў асоб, якія маглі б займаць нейкія пасады ў Падляшскай ваяводскай управе. Асталося гэта без рэха. Мусім зрабіць вывады з гэтых зняважлівых адносін да Уніі працы. Наш шанц — самаўрадавыя выбары.

Ізабела Яруга-Навацкая, госць з’езду з Краёвай рады УП, упаўнаважаная ўрада па справах роўнага статусу жанчын і мужчын, сказала:

— Тая кааліцыя не была заключана адно з любові ці для прыемнасці. Мы лічылі, што патрэбна радыкальная змена грамадска-эканамічнай палітыкі. Адно, што засталі мы краіну ў стане фінайнсавага калапсу.

Спасылаючыся на самаўрадавыя выбары, І. Яруга-Навацкая сцвердзіла:

— Павінны ў іх удзельнічаць тыя, хто лічыць сябе добрым гаспадаром, вядомым і цэненым у сваіх асяроддзях. Як наменш „упартыйнення”!

Пры нагодзе дадала:

— Прыглядаемся нашым новым членам, ці раздзяляюць такую ж сістэму каштоўнасцей, якая дазволіла пратрымацца УП у найцяжэйшы момант, па-за парламентам.

Дэлегаты былі згодны ў тым, што сёлета яшчэ зарана праводзіць непасрэдныя выбары войтаў, бурмістраў і прэзідэнтаў гарадоў, за чым выказваецца СЛД. Новыя ўлады падляшскай УП заклікаюць парламентарыяў адхіліць такі праект палажэння.

Міраслаў Гануш (член краёвых улад партыі) заявіў, што яго галоўным заданнем будзе паспяховае правядзенне Уніі праз парламенцкія выбары. Стаў ён, у дзесяцігадовай гісторыі гэтай групоўкі, старшынёй рэгіянальных структур трэці раз. Галасы на яго аддалі 37 дэлегатаў, на Галашэўскага — 19.

Гасцьмі з’езду (які праводзіўся ў сядзібе ГП БГКТ) быў Ян Сычэўскі — старшыня Беларускага грамадска-культурнага таварыства, шэф Гарадское рады СЛД Януш Кохан. Ліст прыслаў з Рады Еўропы ў Страсбургу Аляксандр Малахоўскі. Нягледзячы на заяву, не паявіліся Мечыслаў Чарняўскі — старшыня падляшскай СЛД і Антоні Позьняк, лідэр падляшскіх прафсаюзаў ОПЗЗ.