Шляхам Іларыёна Данілюка „Зэнка”

Аляксей МАРОЗ

Іларыён Данілюк, ураджэнец Каменя, жыў у 1939-2000 гадах. Быў ён маляром-самавукам. Вандраваў ад хаты да хаты і маляваў людзям дамы, выконваючы малюнкі па заказах. На сценах маляваў краявіды, на падлогах — дываны, а ў ванных — глазуру. Лявон Тарасэвіч і студэнты з Акадэміі выяўленчага мастацтва з Варшавы, якія прымалі ўдзел у пленэры, заўважылі ў працах „Зэнка” многа прафесіяналізму і мастацкай уражлівасці. Хаця некаторыя ўзоры ў яго малюнках банальныя, то яны не паўтараюцца. Аўтар стараўся, каб яго малюнкі былі звязаныя з навакольным асяроддзем. Нават расліннасць на працах супадала з той, якая расце ў наваколлі. У Гайнаўцы Іларыён маляваў арнаменты на блоках у квартале „Міленіум”. Апрача Гайнаўшчыны „Зэнак” маляваў у Беластоку, Варшаве, Кракаве і на Шлёнску. Лявон Тарасэвіч адзначыў, што мясцовае грамадства не дацэньвае прац „Зэнка”.

— Частка майго жыцця была падобная на жыццё „Зэнка”. На мяне так не нападаюць людзі, як на яго, не высмейваюць, бо ахоўвае мяне імунітэт акадэміі і прэса, — заявіў Лявон Тарасэвіч.

У час спаткання ў ГДК, арганізаванага ў рамках сустрэч з цыкла „Размовы аб мастацтве”, гайнавяне паглядзелі фільм аб мастацкай працы Лявона Тарасэвіча і размаўлялі з мастаком на філасофскія і зусім практычныя тэмы. Пры канцы спаткання закраналіся тэмы іканапісання і царкоўнай архітэктуры.