Песня — гэта найпрыгажэйшае, найбольш жывое

Янка ЦЕЛУШЭЦКІ

Цешыць, што да спявання горнецца моладзь. Яна ахвотна выступае сола, стварае вакальна-інструментальныя гурты. Калі гаварыць пра старэйшых спевакоў дык вядома, што пажылы ўзрост не спрыяе голасу, але ў старэйшых людзей спявае душа. Калісьці песня спадарожнічала ім у штодзённым жыцці і была адзінай формай забавы.

Што вельмі важна: сёлета падчас канцэрта можна было пачуць упершыню некаторыя даўнія песні. Значыць, спевакі не спыняюць пошукаў усё новых, больш цікавых ды арыгінальных, прызабытых або ўжо зусім забытых народных песень. Такім чынам штогод узбагачаецца песенны рэпертуар. Песня яднае людзей. Яна, песня, з’яўляецца тым, што ў беларускай культуры найпрыгажэйшае, найбольш жывое. Песня ў кожнага застаецца ў сэрцы. У час цэнтральных элімінацый самадзейныя мастацкія калектывы не толькі спявалі але і танцавалі, а слухачы з залы ім падспеўвалі. Усе весяліліся.

А вось як выступленні ўдзельнікаў конкурсу ацаніла міжнароднае журы пад старшынствам заслужанага народнага артыста Рэспублікі Беларусь, прафесара Міхала Дрынеўскага (вядзе ён хор імя Цітовіча). Журы брала пад увагу перад усім вакальныя ўмовы, падборку рэпертуару і інтэрпрэтацыю, а таксама самое выкананне і арыгінальнасць. Яно адзначыла, што выканаўчы ўзровень, асабліва хораў, расце з кожным годам. Па ўсім відаць вялікую працу ды імкненне да павышэння ўзроўню таксама калектываў, дуэтаў і салістаў.

Гран-пры сёлетніх цэнтральных элімінацый здабыў дуэт Багуславы Карчэўскай і Юркі Астапчука, якія заваявалі сэрцы членаў журы хвацкім, бравурным выкананнем песні пра каханне пад загалоўкам „Месяц”.

Аўтэнтычны фальклор

Салісты:

I месца — Ніна Цыванюк з Гарадка, Аляксандр Раманюк з Дубяжына,

II — Валянціна Клімовіч з Дабрывады,

III — Валянціна Марціновіч з Краснага Сяла, Кацярына Ціханюк са Збуча.

Дуэты, трыо, квартэты:

I месца журы не прызнала,

II — квартэт з Дабрывады, маладзёжнае трыо з Беластока,

III — дуэт: Валянціна Марціновіч і Галіна Грабарук з Краснага Сяла.

Вакальныя калектывы:

I месца — „Каліна” з Дашоў,

II — „Арэшкі” з Арэшкава, калектыў з Маліннікаў,

III — „Красуні” з Краснага Сяла, „Родына” з Дубяжына.

Вылучэнне — „Журавінкі” з Агароднічкаў.

Апрацаваны фальклор

Салісты:

I месца — Марыя Врублеўская з Гарадка,

II месца журы не прызнала,

III — Марыя Хіліманюк з Тыневічаў-Вялікіх, Уладзімір Іванюк з Беластока.

Вылучэнне — Анна Карэтка з Нараўкі.

Дуэты, трыо, квартэты:

I месца — дуэт: Люба Гаўрылюк і Уладзімір Іванюк з Беластока,

II — дуэт: Вера Осяк і Вера Сват са Старога Ляўкова, квартэт з Орлі,

III — трыо з Тыневічаў-Вялікіх, квартэт з хору „Васілёчкі” з Бельска-Падляшскага.

Вакальныя калектывы:

I месца — мужчынская група хору „Крыніца” з Беластока, мужчынская група хору Гайнаўскага дома культуры, дзявочы калектыў з белліцэя ў Гайнаўцы,

II — „Расспяваны Гарадок”, „Хлопцы-рыбалоўцы”, жаночая група хору „Крыніца” з Беластока і жаночая група хору Гайнаўскага дома культуры,

III — жаночая група хору „Васілёчкі” з Бельска-Падляшскага, мужчынская група хору „Васілёчкі” і „Цаглінкі” са Старога Ляўкова.

Вылучэнне — „Арляне” з Орлі, „Рэчанька” з Козлікаў, мяшаная група хору „Васілёчкі” з Бельска-Падляшскага.

Вакальна-інструментальныя калектывы:

I месца — „Маланка” з Бельска-Падляшскага,

II — мужчынская група „Маланкі”,

III — капэла з Дубін.

Хоры:

I месца — хор „Крыніца” з Беластока, хор Гайнаўскага дома культуры,

II — „Каласкі” з Беластока,

III — „Васілёчкі” з Бельска-Падляшскага.

Вылучэнне — „Асенні ліст” з Гарадка.

Сучасная песня

Салісты:

I месца — Дамініка Цімашук-Баўтручук з „Пронару” ў Нарве,

II — Ала Каменская з Козлікаў, Святлана Кобус з Бельска-Падляшскага,

III — Іаанна Врублеўская з белліцэя ў Гайнаўцы.

Дуэты, трыо, квартэты:

I месца — дуэт: Ала Каменская і Давід Дубэц з Козлікаў,

II — квартэт з хору „Каласкі” з Беластока,

III — дуэт: Дамініка Цімашук-Баўтручук і Іза Скокін з „Пронару” ў Нарве.

Вакальныя калектывы:

I месца — „Дзявочыя ноткі” з белліцэя ў Бельску-Падляшскім,

II — „Знічка” з гайнаўскага белліцэя,

III — група з хору „Каласкі” з Беластока.

Вакальна-інструментальныя калектывы:

I месца — гурт „Лідэр” з Беластока,

II месца журы не прызнала,

III — „Кошыкі” з Беластока, „Эйфарыя” з Нарвы.

Эстрадныя калектывы:

I месца — „The Best” з Сямятыч,

II — „Ас” з Беластока,

III — „Сакрэт” з Міхалова.

Вылучэнне — „Сябры” з Беластока і „Гранд” з Грабянёў.