„Даўціпы” Андрэя Гаўрылюка

— Ад нейкага часу заўважаю ў цябе дзіўныя звычаі: тупаеш нагамі, заломліваеш рукі, рвеш валасы... Што гэта мае значыць?

— У апошні час часта гляджу матчы нашай каманды.

* * *

— Цяпер мая жонка бывае там, дзе многа сонца, дзе нешта дзеецца і дзе немагчыма нудзіцца...

— То ты ёй аформіў выдатны кантракт! Адбылося без складанасцей?

— Былі. Уяві сабе, як неахвотна прымаюць жанчын у Чужаземны легіён!

* * *

У карнавальную ноч п’яны Янка вяртаецца дадому. Сустракае п’янага ўшчэнт сябра, які б’е нагою ў бетонны слуп:

— Што ты робіш? — пытае.

— Іду да калегі, — мармыча той. — Ён жыве ў гэтым бетонным бункеры і да яго дабіваюся.

— А можа яго няма дома? — жартуе Янка.

— То ж хіба сам бачыш, што ў яго святло свеціцца?!

* * *

Журналіст зайшоў да вядомага хірурга ўзяць інтэрв’ю. Лекар адсутнічаў і дома прыняў ягоны пяцігадовы сынок:

— Бацька цяпер у аперацыйнай зале. Можа там быць выразка апендыкса ці жоўцевага пузыра або трэпанацыя чэрапа...

— Малады чалавек, — здзівіўся журналіст, — а ці ты ведаеш, што абазначаюць гэтыя вучоныя тэрміны?

— Вядома! Выразка апендыкса абазначае чатырыста долараў, выразка жоўцевага пузыра — шэсцьсот, а трэпанацыя чэрапа — тысячу.

* * *

Пацыент у хірурга:

— Тысяча долараў за аперацыю, гэта вельмі дорага! — абураецца.

— Тады ідзіце да майго сябра; ён аперыруе дарма.

— Зусім?

— Зусім!

— Дык з чаго ён утрымліваецца?

— Плацяць яму спадкаемцы.

* * *

Пацыент да лекара:

— Скажыце мне праўду. Сцярплю ўсё, толькі найгоршая невядомасць...

— Добра: дзве тысячы!

* * *

У кабінет ардынатара ўваходзіць жанчына і пытае пра здароўе мужа.

— Ваш муж чуецца выдатна. Пасля нядзелі вернецца дадому.

Узрадаваная жанчына кладзе на стол канверт.

— Ой не, не трэба, гэта мая прафесія! — аднекваецца лекар, хутка хаваючы канверт у кішэню. — А як па праўдзе называецца ваш муж і ў якой ляжыць зале?

* * *

Да выходзячага з аперацыйнай залы хірурга падбягае ўсхваляваная жонка хворага:

— І як, пан доктар, удалася аперацыя?

— Аперацыя? Я думаў, што гэта было анатаміраванне.