Ніва № 13 (2342), 1 красавіка 2001 г.

Правінцыя...

... яднае пад адной вокладкай раскінутыя ў неабсяжным моры небеларускай культуры і мовы беларускія астравы сучаснасці — перш за ўсё маюцца на ўвазе несталічныя (Беласток, Гродна, Кобрын, Полацк, Слонім, Філадэльфія...). Часопіс дзеліцца на тры раздзелы — „Словы пра словы” (эсэ, крытыка, рэцэнзіі, дзённікі, лісты...), „Словы” (проза, паэзія, драма), „Словы за словы” (літаратурныя пераклады). Падзел такі захаваецца і ў наступных выпусках. Фармат часопіса — А-4, аб’ём нумара 1-2/2000 — 166 старонак, творы ілюструюцца фатаграфіямі аўтараў ды творча-біяграфічнымі даведкамі пра іх.

У Беластоку „Правінцыю” можна набыць у рэдакцыі „Нівы”, Цэнтры грамадзянскай адукацыі Польшча-Беларусь ды ў кнігарні „Akcent” — каштуе 15 злотых. З цягам часу часопіс можна будзе заказваць па электроннай пошце або з сайту (http://pravincyja.republika.pl/).