Ніва № 3 (2332), 21 студзеня 2001 г.

Канферэнцыя аб паграніччы

9-10 кастрычніка 2001 г. у Брэсце адбудзецца 4-я Міжнародная навуковая канферэнцыя па культуры беларускага пагранічча: „Культура беларуска-расійска-балцкага сумежжа”.

У час 4-й канферэнцыі плануецца работа наступных секцый:

Узаемаўплыў культур народаў беларуска-расійска-балцкага сумежжа: гісторыя і сучаснасць.
Талерантнасць як аб’ект навуковага аналізу і перадумова дыялога культур народаў прыгранічча.

Магчыма абмеркаванне таксама іншых пытанняў тэматычнага поля канферэнцыі.

Заяўкі на ўдзел у канферэнцыі і тэксты паведамленняў аб’ёмам да 5 старонак разам з іх запісам на дыскеце ў праграме Word 6.0 дасылайце, калі ласка, у 2-х экз. заказным паштовым адпраўленнем да 01.04.2001 г. на адрас: Беларусь. 224030, г. Брэст-30. Абан. скрыня № 14. Яцкевічу Сяргею Анатольевічу. У крайнім выпадку, калі ў аўтара адсутнічае магчымасць набору тэксту на камп’ютэры, ён можа прадставіць яго ў машынапіснай форме. Тэксты павінны быць арфаграфічна і стылістычна вывераныя і адпавядаць тэматыцы канферэнцыі, пры гэтым мову тэксту вызначае сам аўтар. У заяўцы неабходна прадставіць інфармацыю аб аўтары з указаннем імя і прозвішча, вучонай ступені і звання, акадэмічнага звання (калі ёсць), адраса і тэлефона. Заяўкі і матэрыялы, якія паступяць пасля 01.04.2001 г., аргкамітэтам разглядацца не будуць.

Аргкамітэт пакідае за сабою права адбору матэрыялаў і (пры неабходнасці) іх рэдагавання. Зборнік матэрыялаў канферэнцыі плануецца выдаць да пачатку яе правядзення. Дыскеты вяртаюцца пры рэгістрацыі.

Тэлефон для даведак у г. Брэсце: 26-25-14.

АРГКАМІТЭТ