Ніва № 53 (2329), 31 снежня 2000 г.

Кніга пра беларусаў у міжваеннай Польшчы

Рэдакцыя „Нівы” пачынае працу над чарговой (пасля „Бежанства 1915 года”) мемуарнай кніжкай аб лёсах беларусаў Беласточчыны. Будзе гэта калектыўная кніга пад рабочым загалоўкам „Штодзённае жыццё беларусаў усходняй Беласточчыны ў міжваенны перыяд”. У ёй будуць змешчаны ўспаміны жыхароў сённяшняй Беласточчыны аб эканамічным, рэлігійным і культурным жыцці ў ІІ Рэчы Паспалітай. Апрача ўспамінаў у кнізе будуць змешчаны фатаграфіі, дакументы і навуковы каментарый.

Звяртаемся да нашых чытачоў з заклікам пасадзейнічаць выхаду кнігі. Просім прысылаць у рэдакцыю ўспаміны, фатаграфіі і дакументы гэтага перыяду (пасля выкарыстання будуць яны вернуты ўладальнікам), або паведамляць нам адрасы асоб, якія захочуць падзяліцца з намі ўспамінамі, а нашы журналісты наведаюць іх ды запішуць іхнія аповеды.

Матэрыялы просім дасылаць у рэдакцыю да канца чэрвеня 2001 года.