На вачах

Паўліна ШАФРАН

жах па вуліцы Аградовай

у цэнтры горада, пра які ніхто не ведаў.

39-гадовы Рамаг Г. лічыў сябе гуру рэлігійнай секты. Угаварыў жонку, што яна — зло ўсяго свету. 29-гадовай Галене Г. два гады ўліваў у жылы амфетамін, каб „змыць з яе грахі свету”, прымушаў да „рэлігійных практык” — сведчання сексуальных паслуг на вачах у дзяцей. Сямігадовая дачка і на два гады меншы сын былі таксама выкарыстаны бацькам, які пастаянна частаваў іх псіхатропнымі, снатворнымі і сардэчнымі медыкаментамі. Да гэтай пары невядома, ці бацька не выкарыстоўваў іх сексуальна.

Дом, у якім жыла гэта сям’я, знаходзіцца ў цэнтры Бельска-Падляшскага. Гэта месца сустрэч бельскіх наркаманаў. Ці былі яны толькі пакупнікамі наркотыкаў, ці членамі арганізаванай Раманам Г. секты, ці мо быў ён дылерам, які разводзіў наркотыкі, — паліцыя яшчэ не ведае. Аднак рэчы, знойдзеныя ў кватэры Г. сведчаць аб тым, што ў сапраўднасці так і было. Былі пакецікі, т.зв. дылеркі для пакавання наркотыкаў, шпрыцы, псіхафармакалагічныя прэпараты, стэтаскопы і вострыя боепрыпасы, а таксама каталог медыкаментаў, выдадзены варшаўскім фармацэўтычным прадпрыемствам ды апаратура для падслухоўвання.

Жанчына ад страху не змагла раней паведаміць паліцыі аб тым, што з сям’ёю робіць яе муж. Настолькі моцна ён унушыў у яе перакананне ў тым, што Галена Г. — увасабленне зла ўсяго свету, а паводзіны мужа — магчымасць адпакутаваць за грахі, вялікая ласка ад Бога. Цяпер Галена Г. знаходзіцца з дзяцьмі пад апекай бацькоў у падбельскай вёсцы. Паліцыя не выключае, што жанчына і дзеці ўжо ўзалежнены ад наркатычных сродкаў.

Галена Г. пазнаёмілася была ў 19 гадоў са старэйшым на 10 гадоў Раманам Г. і выйшла замуж з кахання.

— Пачаткова ўсё было добра, — расказваюць бацькі Галены Г., — дык з часам нават нам не дазваляў спатыкацца з дачкой. Мы ад самога пачатку не давалі згоды на яе замужжа. На падабаўся нам ён. Так скрыўдзіць нам дзіцё ды ўнукаў! Якое ён пакаранне там дастане! Выйдзе праз 5-6 гадоў, калі не хутчэй. Вядома, як выглядае польскае правасуддзе!

Галена Г. была другой жонкай Рамана Г. Першая ад яго ўцякла, маці вывезла яе аж у Швецыю, а то замучыў бы, кажуць суседзі. Усе бычылі, з якімі сінякамі хадзіла кабета!

Раман Г. афіцыйна ладзіў тэлевізары і радыёпрыёмнікі. Кліенты не наракалі на яго паслугі. Не могуць паверыць, што гэты, на іх погляд, сумленны і акуратны чалавек мог паводзіць сябе так пагана. Ранейшыя ягоныя супрацоўнікі, як Ян. М., праўда, заўважалі ў яго паводзінах штосьці дзіўнае. Спачатку думалі, што ён альбо надта хворы, альбо алкаголік. Бывала, быў у выдатным настроі, смяяўся, гаварыў нармальна, іншым разам рабіўся шэры на твары, трэсліся яму далоні... Але ніхто не падумаў, што мог бы рабіць ён штосьці такое, чым, як высветлілася, займаўся не такі кароткі час.

Самае дзіўнае тое, што ніхто з сям’і жонкі Рамана Г. не дадумаўся праўды. Як кажа камісар Міраслаў Дамброўскі, справа выйшла на святло толькі дзякуючы інфармацыям, якія прасачыліся з асяроддзя наркаманаў. А затрыманне мужчыны было вынікам разведання паталагічнага асяроддзя.

Наркотыкі з элітарных рук

У Бельску-Падляшскім няма цяжкасцей з закупкай наркотыкаў, а найменш... у бельскіх ліцэях! Дылерамі з’яўляюцца маладыя людзі. Дзеці лекараў, настаўнікаў — элітнага асяроддзя. Дзеткі трактуюць гэты нелегальны занятак як добрую забаву. Найбольш наркотыкаў паходзіць з Варшавы, цэнтра продажу. Машына наркатычнага рынку мае выгляд піраміды. Угары стаіць бос, які мае найбольш карысці. У падставе піраміды — малазначныя дылеры, якім найбольш пагражае трапіць пад арышт. Гэтая сетка, як моцнае павуцінне, апутвае не толькі маладыя душы.