Жыхары Гродзеншчыны супраць яднання з Расіяй, за рынкавую эканоміку

Антон ЛАБОВІЧ

Вучоны азнаёміў прысутных з вынікамі апытання грамадскай думкі ў сакавіку бягучага года, надрукаваных у брашуры „Беларусь і свет”. Асаблівую цікавасць выклікалі даныя па Гродзенскай вобласці. Сярод пытанняў, прапанаваных рэспандэнтам, былі і такія: „Каго можна лічыць беларусам?”, „Ці лічыце вы, што заходняя цывілізацыя варожая для праваслаўных народаў?”, „Якім чынам Беларусь можа стварыць сваю бяспеку?” і іншыя.

Напрыклад, толькі 4,1% жыхароў Гродзеншчыны выказваюцца за ўваходжанне Беларусі ў склад Расіі. Грамадзянамі нашай краіны лічаць сябе 73% насельніцтва Гродзеншчыны і толькі 1,5% — Расіі. Адначасовую арыентацыю на Захад і Расію падтрымліваюць 52,3% апытаных. Праект Канстытуцыі, прапанаваны А. Лукашэнкам на рэферэндуме ў 1996 годзе, чытала ўсяго 36% нашых землякоў.

У тым, што дэмакратыя лепшая за дыктатуру, перакананы 57,9% рэспандэнтаў. 50,8% жыхароў Гродзеншчыны лічаць, што рынкавая эканоміка больш эфектыўная, чым планавая. 66% апытаных Гродзенскай вобласці паскардзіліся, што эканамічны стан сваёй сям’і за апошнія чатыры гады пагоршыўся. 48,7% вінавацяць у гэтым урад, 32,5% — прэзідэнта.